صح النوم يا ابو الهول…؟
- Dr. Samir Ghoweba
- May 16, 2022
- 1 min read
Updated: May 16, 2022
والله شعب ملوش حل…فقد انتشرت في الساعات الاخيرة ملايين الصور له وهو "مغمض"… والعجيب ان هناك مصدقين للرواية.. بل هرع الالاف لزيارته وانتعشت السياحة اليوم وامس بالهرم .. بل ان اثرياً "ظريفا" وصل لابعد من هذا مصرحاً بان الظاهرة تحدث كل خمسة الاف سنه… ونسى ان العالم كله يضحك على سذاجتنا المفرطة…!
اما خفة دم المصريين المتفاعلين مع الحدث فهي رهيبة فمنهم من يرى ان الصورة اتخدت وهو "بيرمش"بس … واستحاله ابو الهول ينام…!
وان الراجل كان في فرح "بنت رمسيس" وكانو جيبين "عبسلام" وكان سهران في الفرح لحد الفجر ..!
وصرح ابو الهول ضاحكاً: يعني أنا صاحي بقالي 7 تلاف سنه..ويوم م اخد "تعسيلة" تقلبوا عليا الدنيا يعني الواحد ميعرفش يريح شويه….!!؟
ورأي اخر محبط يقول "ابو الهول نام من قله الشغل واكيد هو غمض لما حالنا ما عجبهوش او اخلاقنا بقت زفت ما استحملش وخاصة بعد حادثة التحرش الاخيرة… !!؟
وقيل ان بعض الخبثاء في وزارة السياحة برروا سبب ظهور ابو الهول بهذا الشكل وآثار الحزن على وجهه اعتراضا منه على بقاء سعر تذكرة زيارته دون زيادة فى حين ارتفاع جميع اسعار السلع…!!
والخلاصة… هي ان صاحب الشائعة اظهر غباء الناس والصحافه واظهر كم التفاهه والجهل في المجتمع فطول ما الناس مصدقه انه نام ما تستغربش.. ان عدد "المستريحيين " والنصب بيزيد !
بقي ان اذكرك بأن: مش أبو الهول بس اللى نام ، بل فينا حاجات كتير نامت للأسف..!
Comments